ହୃଦୟ ବେଦୀରେ

ହୃଦୟ ବେଦୀରେ ପୀରତି ମଶାଲ

ଚାଲିଗଲ ଜାଳିଦେଇ

ତାର ଶିଖା ମୋତେ ଜାଳେ ଅହରହ

ବୁକୁ ତଳେ ରହି ରହି।

ମରମ ମୋ ଦିଏ ଦହି।୦ା

ଚାହିଁ ତ ନ ଥିଲି ଆସିବାକୁ ତୁମେ

ମୋ ଜୀବନ ପରିଧିକୁ

ବଳେ ପଶି ମନ-ବନ ଉଜାଡିଲ

ସଦା ଝୁରି ମରିବାକୁ

ଯୋଗୀ ସାଜି ବୁଲେ ଦୁଆରେ ଦୁଆରେ

ତୁମ ନାମେ ଗୀତ ଗାଇ

ତୁମ ଗୁଣଗାଥା କହି।

ହୃଦୟ ବେଦୀରେ ପୀରତି ମଶାଲ 

ଚାଲିଗଲ ଜାଳିଦେଇ।୧ା

ହଜିଗଲ କିବା ନୀଳ ଆକାଶରେ

ମିଳେଇ ଗଲ ବତାସେ

ବନାନୀ, ସାଗର, ମରୁ, ଗିରିଝର

ସବୁଠୁ ଫେରେ ନିରାଶେ

ଗଢିଦେଲ କିଆଁ ତୁମ ଚାରିପାଖେ

ବିଛେଦର ଗଡଖାଇ

ଲଙ୍ଘି ଯାଇ ପାରୁନାହିଁ।

ହୃଦୟ ବେଦୀରେ ପୀରତି ମଶାଲ 

ଚାଲିଗଲ ଜାଳିଦେଇ।୨ା