ମୁଁ ଗାଉଛି କବିତା
ମୁଁ ଗାଉଛି କବିତା
ମୁଁ ଗାଉଛି କବିତା
ତୁମ ପାଇଁ
ତୁମରି ଆଖିର ନୀଳ ସାଗରରେ
ଯେଉଁଦିନୁ ହଜିଯାଇଛି ମୁହିଁ।୦ା
ଭୁଲିଛି ସେ ଦିନୁ ନିଜକୁ ନିଜେ
ପୀରତି ଫଗୁରେ ମନ ମୋ ଭିଜେ
ଅମଡା ବାଟରେ ଥାପିଅଛି ପାଦ
ଦୁନିଆ ନିନ୍ଦାକୁ
ଶୋଚନା ନାହିଁ।
ମୁଁ ଗାଉଛି କବିତା ତୁମ ପାଇଁ।୧ା
ସପନେ ଆସୁଛ ପାଖକୁ ମୋର
ରୁଣୁଝୁଣୁ ଶୁଭେ ପାଦ ନୂପୁର
ଧରାଦେଇ ପୁଣି ରହୁଛ ଦୂରେଇ
ଉଜାଗରେ ରାତି
ଯାଉଛି ପାହି।
ମୁଁ ଗାଉଛି କବିତା ତୁମ ପାଇଁ।୨ା
ଆଶା ନିରାଶାର ପାଚେରି ଡେଇଁ
ମଳୟ ମହକେ ଯାଉଛ ଛୁଇଁ
ମନେ ମନେ ଗଢେ ତାଜମହଲ ମୁଁ
ତୁମରି ସ୍ମୃତିରେ
ଜିଇବା ପାଇଁ।
ମୁଁ ଗାଉଛି କବିତା ତୁମ ପାଇଁ।୩ା