ଲାଇବ୍ରେରୀ
ପ୍ରୋଫାଇଲ୍
ମରିବି ସେ ଦିନ
ମରିବି ସେ ଦିନ
1 min
208
ମରିବି ସେ ଦିନ ମୋ ନାମ ହଜିବ
ତୁମ ଓଠୁ ଯେଉଁ ଦିନ
ଧରା ବୁକୁରେ ମୋ ଜୀବନ ଜୀଇଁବା
ହୋଇଯିବ ହୀନିମାନ।୦ା
ଶାମୁକା ତୁମେ ଗୋ ସପନେ ତୁମରି
ଟିକି ମୋତିଟିଏ ମୁହିଁ
ତୁମେ ମଧୁଝରା ଜୋଛନା ମୁଁ ତୁମ
ପ୍ରୀତି ପାଗଳିନୀ କଇଁ
ମୋ ମନ ମନ୍ଦିରେ ସ୍ମୃତି ଦୀପ ହୋଇ
ଜଳୁଅଛ ରାତିଦିନ।
ମରିବି ସେ ଦିନ ମୋ ନାମ ହଜିବ
ତୁମ ଓଠୁ ଯେଉଁଦିନ।୧ା
ମୁଁ ଗୋ ମିଠା କୁହୁ, ଚଗଲା ଫଗୁଣ
ଚୋରା ଚଇତାଳି ତୁମେ
ତୁମେ ଭରସାର ଡାଳଟିଏ ଯହିଁ
ପକ୍ଷୀ ହୋଇ ମୁଁ ଝୁମେ
ତୁମ ଅଗଣାର ତୁଳସୀ ମୁଁ ତୁମ
ପରଶକୁ ଝୁରେ ମନ।
ମରିବି ସେ ଦିନ ମୋ ନାମ ହଜିବ
ତୁମ ଓଠୁ ଯେଉଁ ଦିନ।୨ା
