ଭାବ କିଣାବିକା

ଭାବ କିଣାବିକା କରି ଗଲ ଫେରି

ପୀରତି ବଣିକ ମୋର

ତାରା ଗଣି ନିତି ନିଶିକୁ ସଜାଏ

ମିଠା ମିଠା ସପନର।୦ା

ମନର କୋରକ ମୁକୁଳିତ କରି

ମଧୁପ ସାଜିକି କଲ ମଧୁ ଚୋରି

ସଅଳ ଫେରିବ ଗଲ କଥା ଦେଇ

କେତେ ଦିନ କେତେ ରାତି ଗଲା ପାହି

କେଉଁ ମାୟାବିନି କଲା କି କୁହୁକ

ରହିଗଲ ପାଶେ ତାର।

ଭାବ କିଣାବିକା କରି ଗଲ ଫେରି

ପୀରତି ବଣିକ ମୋର।୧ା

ଜିବନ ଯମୁନା ଢେଉ ଗଣୁଅଛି

କେତେ ଯେ ବୋଇତ ଆସି ଫେରୁଅଛି

କିଏ କରୁଅଛି ହୀରାନୀଳା ମୁଲ

କିଛି ନୁହେଁ ତୁମ ପୀରତିର ତୁଲ

ଅବଶ ଆଖିରେ ଆଶା ସଜେଇଛି

ତୁମ ଫେରା ବୋଇତର।

ଭାବ କିଣାବିକା କରି ଗଲ ଫେରି

ପୀରତି ବଣିକ ମୋର।୨ା