ଆମ୍ବଚଣା କଷି ଥିଲୁ ହେଲୁଣି ଆମ୍ବ

ଆମ୍ବଚଣା କଷି ଥିଲୁ ହେଲୁଣି ଆମ୍ବ

ତତେ ଦେଖି ଖୁସ ଲାଗେ ଆଉଜି ଖମ୍ବ

..........ଆମ୍ବଚଣା କଷି ଥିଲୁ ହେଲୁଣି ଆମ୍ବ ! ୦ !

ନାକ ଦିନେ ପୋଛୁଥିଲୁ ଫରକ ଟେକି

ଆଜି କାଳେ ଚାଲିଯାଉ ଆଖିକୁ ଠକି

ବିଶ୍ୱାସର ସୁନ୍ଦରୀ ତୁ ଉଶ୍ୱାସର ଲମ୍ବ

..........ଆମ୍ବଚଣା କଷି ଥିଲୁ ହେଲୁଣି ଆମ୍ବ ! ୧ !

ମିଛକୁ ତୁ ଆଡ଼ରୁଷା ଖାଉଛୁ ଲଡୁ

ଆଖି ଠାର ମାରିଦେଲେ ମୁହଁକୁ ମୋଡୁ

ଦେହ ପାଇଁ ହିତ ତୁ ଲୋ ହୋଇଛୁ ଲିମ୍ବ

..........ଆମ୍ବଚଣା କଷି ଥିଲୁ ହେଲୁଣି ଆମ୍ବ ! ୨ !

ସପନକୁ ସତ କରି ଆସିଯା' ସଜ

ତତେ ଛାଡ଼ି କାହାକୁ ମୁଁ ଭାବିନି ନିଜ

ଆଙ୍କିଦେବି ଖୁସି ଚିହ୍ନ ତୋ ଓଠ ଶିମ୍ବ

..........ଆମ୍ବଚଣା କଷି ଥିଲୁ ହେଲୁଣି ଆମ୍ବ ! ୩ !