ଯଦି ତୁମେ ଫେରିବ

ମୋତେ ଛାଡ଼ି ସିନା ଆଉ କାହା ସାଥେ

ସଂସାର ତୁମର ଗଢ଼ିବ

ହେଲେ ତୁମ କଥା ଭାବି ଭାବି ପ୍ରିୟା

ଆଖିରୁ ମୋ ଲୁହ ଗଡ଼ିବ ।

ମୋ ଆଖିରେ ଲୁହ ଦେଲାପରେ ପ୍ରିୟା

ତୁମେ ଯଦି ହସି ପାରିବ

ତୁମ ଖୁସି ପାଇଁ ଯେତେ କଷ୍ଟ ଦେଲେ

ସବୁତ ମୋପାଇଁ ଚଳିବ ।

ତୁମକୁ ମୁଁ ପ୍ରେମ କଲାପରେ ଯଦି

ମୋ ସାଥେ ଛଳନା କରିବ

ଭାବୁଛକି ତୁମେ ମୋର ଏ ହୃଦୟ

ତୁମକୁ ସହଜେ ଭୁଲିବ ।

ହାତ ମୋର ଛାଡି ଆଉ କାହା ସାଥେ

ତୁମେ ଯଦି ବାଟ ଚାଲିବ

ତଥାପି ଏହାତ ଥିବ ତୁମ ପାଖେ

ଯଦି କେବେ ଝୁଣ୍ଟି ପଡିବ ।

ଜୀବନରେ କେବେ ବାଟବଣା ହେଲେ

ମନ ଯଦି ମୋତେ ଝୁରିବ 

ସେବେବି ତୁମକୁ କରିବି ସ୍ୱାଗତ

ଯଦି କେବେ ତୁମେ ଫେରିବ ।