ಲೈಬ್ರರಿ
ಪ್ರೊಫೈಲ್
ବିନ୍ଦୁଏ ସିନ୍ଦୁର
ବିନ୍ଦୁଏ ସିନ୍ଦୁର
1 min
168
ମଥାରେ ତୁମର ବିନ୍ଦୁଏ ସିନ୍ଦୁର
କରିଦେଲା ମୋତେ ପର
କାଲି ଥିଲ ମୋର ନିଜଠୁଁ ନିଜର
ନାହିଁ ଆଜି ଅଧିକାର
ନୂଆ ବୋହୁ ସାଜି କାହା ଅଗଣାରେ
ଜାଳୁଅଛ ସଞ୍ଜବତୀ
ଏକା ଏକା ହୋଇ ନିଜେ ମୁଁ ଜଳୁଛି
ଜାଳେ ମୋତେ ତୁମ ସ୍ମୃତି
ଆଖିରୁ ମୋହର ଝରୁଛି ଲୋତକ
ଓଠରେ ତୁମର ହସ
ତୁମକୁ ଭରଷା କରିଥିଲି ପ୍ରିୟା
ବିଶ୍ୱାସରେ ଦେଲ ବିଷ
ଆଉ କାହା ପାଇଁ ଶେଯ ସଜାଉଛ
ରାତି ତୁମ ମଧୁଝରା
ହେଲେମୁଁ ଶୋଉଛି କଣ୍ଟାର ଶେଯରେ
ପ୍ରେମ କଲା ସର୍ବହରା
ପ୍ରେମକୁ ମୋହର କବର ଦେଇଛ
ସ୍ମୃତିକୁ ଦେଇଛ ମାରି
ବିରହ ଜ୍ୱାଳାରେ ଜଳି ଜଳି ନିତି
ତୁମକୁ ହେଉଛି ଝୁରି
ବିନ୍ଦୁଏ ସିନ୍ଦୁର ପ୍ରେମରେ ମୋହର
ଟାଣିଲା ଲକ୍ଷ୍ମଣ ଗାର
ଆଉ କାହା ହାତ ଧରି ଚାଲିଗଲ
ସାଜି ତୁମେ ସ୍ୱାର୍ଥପର
