ପ୍ରେମ
ପ୍ରେମ
ପ୍ରେମ ବିନ୍ଦୁପରି ଛୋଟ ଏକ ଶବ୍ଦଟିଏ,
ତାର ବୃତ୍ତପରି ବିଶାଳ ପରିଧି;
ପ୍ରେମ ଲୁହପରି ସାମୟିକ ଟୋପାଟିଏ
ତାର ଆଖିପରି ଅୟୁତ ଅବଧି ।
ପ୍ରେମ ପାଇଁ ଆଖିବୁଜା ବିଶ୍ୱାସ
ହୋଇପାରେ ସଂଜୀବନୀ
ଆଖିଦେଖା ଶାସନ ଅନୁଶାସନ ବି
ପ୍ରେମର ସର୍ବଅଉଷଧି ।
ଆଜିକାଲି ପ୍ରେମରେ ଖାଲି ଥିବ
କଞ୍ଚା ବିଶ୍ୱାସ ର ବହଳ ବହଳ ଚୋପା
ତେବେ ପ୍ରେମ ମିଠାଫଳ
ଯଦି ଟିକେ ସନ୍ଦେହ କି ଆକଟ କରିଲ
ତେବେ ହେବ ମହାକାଳ ।
ଆଜିକାଲି ସମସ୍ତଙ୍କୁ ଆଖିବୁଜି
ଅନ୍ଧାରୁଆ ବିଶ୍ଵାସ ହିଁ ପସନ୍ଦ,
ଯଦି ଟିକେ ଆଲୁଅ ଖୋଜିଲ
ତେବେ ପ୍ରେମରୁ ହୋଇଯିବ ବାସନ୍ଦ ।