ସୁଯୋଗ୍ୟ ଓଡ଼ିଆ ପୁଅ

ଓଡ଼ିଶା ମାଟିର ଓଡ଼ିଶା ମାଆର 

ସୁଯୋଗ୍ୟ ଓଡ଼ିଆ ପୁଅ,

ଓଡ଼ିଆ ଜାତିର ଓଡ଼ିଆ ପ୍ରାଣର

ସୁକନ୍ୟା ଓଡ଼ିଆ ଝିଅ,

ଯିଏ ଯେଉଁଠି ବି ତୁମେ ଥାଅ;

ଓଡ଼ିଆ ଭାଷାର ଭାବ ଭାବନାରେ

ନିଜକୁ ହଜେଇ ଦିଅ

କୁହ 'ଜୟ ଜଗନ୍ନାଥ ଜୟ',

'ବନ୍ଦେ ଉତ୍କଳ ଜନନୀ' ଗାନ ରେ

ମନ ପ୍ରାଣକୁ ମଜ୍ଜେଇ ନିଅ ।

ଦୂର ବିଦେଶରେ ବିଦେଶୀ ଭାଷାରେ 

ନିତି ପଛେ ହୁଅ କଥା,

ନିଜ ପରିବାରେ ଆପଣା ଭାଷାରେ

ଆଳାପ କରୁଥା ଯଥା,

ରହୁ ମାତୃଭାଷାରେ ମମତା,

ଉତ୍ତର ଦାୟାଦେ ଉତ୍ତର ଦାୟିତ୍ୱେ

ପିନ୍ଧାଅ ଭାଷାର ଚିତା

କୁହ 'ଓଡ଼ିଶା ମାଆର ଜୟ',

'ବନ୍ଦେ ଉତ୍କଳ ଜନନୀ' ଗାନରେ

ମନ ପ୍ରାଣକୁ ମଜ୍ଜେଇ ନିଅ ।