କୁମାର ଉତ୍ସବ

ଜୋତ୍ସ୍ନାରେ ବିଧୌତ ରଜନୀ ଆଜି ଗୋ

କୁମାର ପୂର୍ଣ୍ଣିମା ନାମ,

କୁଆଁରୀ ମାନଙ୍କ ମନ ଅମାନିଆ 

ଦେଖନ୍ତି ସାତ ସପନ ।

ଚନ୍ଦ୍ର ପୂଜା କରିଥାଆନ୍ତି ସକଳେ

ମନଲାଖି ପତି ପାଇଁ, 

କେତେ ଯେ ସପନ ଭରିଥାଏ ମନେ

ଅସରନ୍ତି ଭାବ ନେଇ ।

ନାରୀ ଜୀବନରେ ସ୍ବାମୀସୁଖ ବିନା

ଅପରିପୂର୍ଣ୍ଣତା ଥାଏ,

ସ୍ବାମୀ ମନ ନେଇ ସମର୍ପିତା ହୁଏ 

ନିଜକୁ ହଜାଇଦିଏ ।

ସବୁକିଛି ଭୁଲି ସ୍ବାମୀର ସେବାରେ

ବିତାଉଥାଏ ଯେ' ଦିନ,

ଦୁଃଖଥାଏ ଯାହା ଜୀବନରେ ତା'ର 

ପାସୋରି ଦିଏ ଟି ମନ।

ସଂସାରରେ ଏହା ନିଗୂଢ ସମ୍ପର୍କ 

ମନରେ ପୀରତି ଜାଗେ,

ପରସ୍ପର ମଧ୍ୟେ ବୁଝାମଣା ଥିଲେ

ଦିନ କଟେ ଅନୁରାଗେ ।

ଏପରି ଭାବନା ମନମଧ୍ୟେ ରଖି

ବୃନ୍ଦାବତୀ କରେ ପୂଜା,

ସତୀନାରୀ ହେଲେ ତ୍ରିପୁରା ରାକ୍ଷସ

ଖୁସିରେ ପାଳଇ ପ୍ରଜା ।

ଯେବେ ଯେବେ ନାରୀ ଅସତୀ ହୁଅନ୍ତି 

ରାକ୍ଷସ ଯାଆନ୍ତି ମରି,

ମନରେ ନିର୍ମଳ ଭାବ ନ ଆସିଲେ

ପତିସୁଖ ଯାଏ ସରି ।