ଜୀବନର ମୂଲ୍ୟବୋଧ
ଜୀବନର ମୂଲ୍ୟବୋଧ
ଆହେ ଜଗନ୍ନାଥ ପଶାରିଛି ହାତ
ଜୀବନ ଜୀବିକା ପାଇଁ
ଅନିଶ୍ଚିତତାରେ ଜୀବିକା ମୋହର
ଜୀବନର ମୂଲ୍ଯ ନାହିଁ।
ଯେବେ ଜାଣିଗଲି ମୂଲ୍ଯବୋଧ ହେଲା
ଶ୍ରୀକ୍ଷେତ୍ରକୁ ଗଲି ଧାଇଁ
ଧକ୍କା ଲହଡିର ପଡି ଉଠି ଗଲି
ଦିଅଁ ଦରଶନ ପାଇଁ ।
ତୋ ଚକାଆଖିରେ ମୋ ଆଖି ମିଶିଲା
ସବୁ ଗଲି ମନୁ ଭୁଲି
କେବଳ ତୋ ଆଖି ରହିଗଲା ଲାଖି
ଜୟ ଜଗନ୍ନାଥ ବୋଲି ।
ଅସାର ଜୀବନ ଜୀଇବା ଅପେକ୍ଷା
ତୋ ପଦେ ଗଲି ଶରଣ
ଏ ଭବ ସାଗରୁ ପାପ ପୂଣ୍ଯ ଠାରୁ
ରକ୍ଷାକର ନାରାୟଣ ।