ଶ୍ରବଣ କୁମାର

ଶ୍ରବଣ କୁମାର କାହାଣୀ ପ୍ରାୟତଃ

ପଠନ ଯୋଗ୍ୟ ବିଷୟ

ଚଳନ୍ତି ଦେବତା ଆମ ପିତାମାତା

କାହାଣୀ ରୁ ଶିକ୍ଷଣୀୟ

ନିଜ ପିତାମାତା ବୃଦ୍ଧ ଅବସ୍ଥାରେ

କ୍ରମେ ହେଲେ ଉପନୀତ 

ଅଙ୍ଗ ପ୍ରତ୍ୟଙ୍ଗ ରେ ଶିଥିଳତା ଭାବ

ସହଜେ ପରିଲକ୍ଷିତ

ସାମାଜିକ ତଥା ସଂସ୍କାର ପୂର୍ବକ

ପୁତ୍ରର ଗୁରୁ ଦାୟିତ୍ବ 

ପିତାମାତାଙ୍କର ସେବାରେ ନିଜକୁ

ବିଧି ରୂପେ ସମର୍ପିତ

ତ୍ରେତୟା ଯୁଗର କଥା ଆଜି ସୁଦ୍ଧା 

ବହୁ ମୁଖରେ କଥନ

ଶ୍ରବଣ କୁମାର ନାମେ ଏକ ପୁତ୍ର

ଅତ୍ୟନ୍ତ ଶ୍ରଦ୍ଧା ଭାଜନ 

ଶ୍ରବଣଙ୍କ ପିତା ଶାନ୍ତନୁ ନାମରେ

ରହୁଥିଲେ ଆଶ୍ରମରେ

ଶ୍ରବଣଙ୍କ ମାତା ଜ୍ଞାନବତୀ ନାମେ

ବ୍ରତୀ ସ୍ବାମୀଙ୍କ ସେବାରେ

ବୃଦ୍ଧ ଅବସ୍ଥାରେ ଦୃଷ୍ଟି ଶକ୍ତି ହୀନ 

ଶ୍ରବଣଙ୍କ ପିତାମାତା

ତୀର୍ଥ ଭ୍ରମଣର ଆଶା ରଖି ହୃଦେ

ଜଣାଇଲେ ସେହି କଥା

ତତ୍କାଳୀନ ସମୟରେ ଯାତାୟତ

ପ୍ରାୟତଃ ପଦବ୍ରଜରେ 

ଶ୍ରବଣ କୁମାର ପିତାମାତା ସାଥେ 

ବାହାରିଲେ ଭ୍ରମଣରେ

ବାଉଁଶ ଝୁଡ଼ିରେ ବସାଇ ଦୁହିଁଙ୍କୁ

ବାହୁଙ୍ଗୀ ରଖି କାନ୍ଧରେ

ପଦ ଯାତ୍ରା କଲେ ତୀର୍ଥ ଉଦ୍ଦେଶ୍ୟରେ

ପୁଣି ଦୁର୍ଗମ ରାସ୍ତାରେ

ଆଯୋଧ୍ୟ ନିକଟ ସରଜୁ ନଦୀର

କୂଳେ ଥିବା ଅରଣ୍ୟରେ

ପଦ ଯାତ୍ରା ଧାରେ ଶ୍ରବଣ କୁମାର

ଚାଲୁ ଥିଲେ ନିର୍ଭୟରେ

ପିତାମାତା ଦୁହେଁ ତୃଷାର୍ତ୍ତ ହେବାର 

ସୂଚନା ପାଇ ଶ୍ରବଣ

କାନ୍ଧରୁ ଓହ୍ଲାଇ ସେହି ଝୁଡ଼ି ଭାର

ଜଳ କଲେ ଅନ୍ଵେଷଣ

ନିକଟସ୍ଥ ଜଳାଶୟ ଦେଖି ଧିରେ

ଜଳ କରିଲେ ସଂଗ୍ରହ

କେଉଁ ବନ୍ୟ ପଶୁ ଜଳ ପାନ ସମ

ବୋଧେ ଦୂରରୁ ପ୍ରତ୍ୟୟ

ଦୁର୍ଯୋଗ ଅପେକ୍ଷା କରି ରହିଥିଲା 

ଠିକ୍ ସେହି ସମୟରେ

ଶିକାର ଉଦ୍ଦେଶ୍ୟେ ଅଯୋଧ୍ୟା ରାଜନ 

ବୁଲୁଥିଲେ ସେହି ଠାରେ 

ଶର ଯୋଖି ଦେଲେ ବନ୍ୟ ପଶୁ ଭାବି

ଟଳି ପଡ଼ିଲେ ଶ୍ରବଣ ପଡ଼ିଲେ 

ଦଶରଥ ରାଜା ଆସିଲେ ତ୍ୱରିତ

ଚିକ୍ତାର ଶୁଣି ବହନ

ମୁର୍ମୁଶୁ ଅବସ୍ଥା ଦେଖି ଶ୍ରବଣର 

ରାଜା ହେଲେ ବିଚଳିତ

ଜଳ ନେଇ ଯାଅ କହିଲେ ଶ୍ରବଣ

ପିତାମାତା ମୋ ତୃଷାର୍ତ୍ତ

ପ୍ରାଣ ବାୟୁ ଉଡିଗଲା ଶ୍ରବଣର

ରାଜାଙ୍କ ଉପସ୍ଥିତିରେ

ଜଳ ଲୋଟା ଧରି ରାଜା ଦଶରଥ

ଗଲେ ଅସ୍ଥିର ଚିତ୍ତରେ

ତୃଷାର୍ତ୍ତ ଦମ୍ପତ୍ତି ଜଳ ପରିବର୍ତ୍ତେ

ପୁତ୍ରର ନିଧନ ଶୁଣି

କରୁଣ କ୍ରନ୍ଦନ ଧାରେ ହେଲେ ଝୁରି 

ନିଜ ପୁତ୍ର ଗୁଣ ଗୁଣୀ 

ଜ୍ଞାତ ବା ଅଜ୍ଞାତ ବଳେ ଅପରାଧ

ଦଣ୍ଡ ବିଧାନ ଧାରାରେ

ଦଶରଥ ପ୍ରତି ପୁତ୍ର ଶୋକ ଶାପ 

ବୃଦ୍ଧ ଦମ୍ପତି ମୁଖରେ

ପରବର୍ତ୍ତୀ କଥା ପ୍ରାୟତଃ ବିଦିତ

ରାମାୟଣ କାବ୍ୟ ଧାରେ

କ୍ରମେ ପୁତ୍ର ଶୋକେ ରାଜା ଦଶରଥ 

ଦୁଃଖ ସହିଲେ ହୃଦରେ

ଶ୍ରବଣ କୁମାର ଶିକ୍ଷଣୀୟ ତତ୍ତ୍ଵ

ରହୁ ପୁତ୍ର ହୃଦୟରେ

ନିଜ ପିତାମାତା ଚଳନ୍ତି ଦେବତା

ସେବା ହେଉ ଭକ୍ତି ଭରେ

ଶ୍ରବଣ ସମାନ ପିତୃ ମାତୃ ଭକ୍ତି

ଯଦି ନାହିଁ ପୁତ୍ର ହୃଦ

ବୃଦ୍ଧାବସ୍ଥା ବେଳେ ବୃଦ୍ଧାଶ୍ରମେ ରଖି

ପୁତ୍ର ନ ହେଉ ଆନନ୍ଦ

ହେ ପୁତ୍ର,ସମୟାନୁକ୍ରମେ ତୁମର

ଆସିବ ବୃଦ୍ଧ ଅବସ୍ଥା

ବୃଦ୍ଧା ପିତାମାତା ପ୍ରତି ପ୍ରେମ ଭାବ

ହୃଦୟରେ ଥାଉ ଚିନ୍ତା