ଜଗତରେ ତୁମ ନାମ ବଡ

ଜଗତରେ ତୁମ ନାମ ଏକା ବଡ 

ତୁମେ ପରା ବଡ ଠାକୁର

କରି କରାଉଛ ପାଳୁଛ ତାରୁଛ 

ତୁମକୁ କୋଟିଏ ଜୁହାର ।

ଜୀବନରେ କେବେ ଭଲରେ 

ତୁମକୁ ଡାକି ନାହିଁ ମନଖୋଲି

କେମିତି ତୁମକୁ କି ନାମେ ଡାକିବି 

ଜାଣିନି ତୁମକୁ ବୋଲି ।

ସଭିଏଁ କହନ୍ତି ତୁମେ ବଡ ଦିଅଁ 

ଚକା ଚକା ଦୁଇ ଆଖି

କଳପ କଳପ ତୁମରି ଭକତ 

ହାତ ଦେଇ ଥାନ୍ତି ଟେକି ।

ଯେମିତିକା ହେଉ ଡାକିଲେ ଭକତ 

ଆସ ପରା ତୁମେ ଧାଇଁ

ଝାଡିଦେଇ ଥାଅ ଯେତେ ଦେହ ଧୂଳି 

ଆଦରେ ନିଅ କୋଳେଇ ।

କେବଳ ଏତିକି କରୁଣା କରିବ 

ଆହେ ମୋର ମହାବାହୁ

ତୁମରି କରୁଣା ବରଷା ହେଉ ହେ 

ସଂସାରର ଦୁଃଖ ଯାଉ ।