ଘରକୁ ଫେରୁଛି କାଳିଆ ....
ଘରକୁ ଫେରୁଛି କାଳିଆ ....
କୋଟି କୋଟି ଭକ୍ତର ହୃଦୟର ରାଜା ମଉଡ଼ ମଣି ,
ଗୁଣ୍ଡିଚା ରାଣୀଙ୍କ କଥାକୁ ରଖି ନବ ଦିନ ଯାତ୍ରାରେ ଯାଇଥିଲେ ଜନ୍ମବେଦୀ କି ପୁଣି ,
ଆଡ଼ପ ମଣ୍ଡପକୁ କରିଲେ ବିଜେ ସଙ୍ଗେ ବଡ଼ଭାଇ ବଳରାମ ମା ସୁଭଦ୍ରା ଓ ଶୁଦର୍ଶନ ଙ୍କୁ ନେଇ ,
ଯିବା ବଇଆଳିଶି ଆସିବା ବଇଆଳିଶି ଚକ ଯେ ମିଶି ହେଲା ଚଉରାଶିଚକ
ତେଣୁ ଚଉରାଶି କୋଟି ଜନ୍ମରୁ ଜୀବକୁ ମୁକ୍ତି ଦେବେ ସେହିଁ ।
ବାହୁଡା ଏକାଦଶୀ ଦିନ ଫେରୁଛନ୍ତି ମୋ କାଳିଆ ,
କାଲି ସୁନାବେଶ ହୋଇ ଦିଶିବେ ମୋ ଜଗନ୍ନାଥ ଭାରି ବଢିଆ ,
ଭକ୍ତର ଭଗବାନ ପତିତପାବନ ଭାବଗ୍ରାହୀ ସେ ମୋ କାଳିଆ ,
ପତିତ ମାନଙ୍କୁ ଉଦ୍ଧାରିବା ପାଇଁ ଏ ଘୋଷଯାତ୍ରା ତାଙ୍କର ରଚିଛନ୍ତି କେତେ ବଢିଆ ।
ରଥାରୂଢ ମୋ କଳା ବାମନ ଦିଅନ୍ତି ମନଲୋଭା ତ୍ରିଭଙ୍ଗୀ ଠାଣି ,
ମଝିରେ ମଝିରେ ମୁରୁକି ହସଟେ ଦେଇ ,
ସମଗ୍ର ବିଶ୍ୱବାସୀଙ୍କୁ ସେଇ ହସରେ କୃପା ନୟନରେ ଚାହିଁ ଦେଇ ,
ତାଙ୍କର ବାଙ୍କ ଚାହାଣୀରେ ନିଅନ୍ତି ସବୁ ଭକ୍ତକୁ କିଣି ।
ମା ପଡିଦାତ୍ରୀ ମହାଲକ୍ଷ୍ମୀ ଠାକୁରାଣୀ ଯେ ରାଗିଛନ୍ତି ,
ମା ଙ୍କୁ ନନେଇ ମୋ କାଳିଆ ଭାଉ ଭଉଣୀଙ୍କୁ ନେଇ ବୁଲିଯାଇଛନ୍ତି ,
ହେରା ପଞ୍ଚମୀ ଦିନ ରାଗରେ ମୋ ମା ନନ୍ଦିଘୋଷ ରଥ ବି ଭାଙ୍ଗିଛନ୍ତି ,
ଫେରିଲା ବେଳେ ମୋ ପ୍ରଭୁ ସାଙ୍ଗରେ ପାଟଶାଢ଼ୀ ଓ ରସଗୋଲା ବି ମା ଙ୍କ ପାଇଁ ଆଣିଛନ୍ତି ।
ନୀଳାଦ୍ରି ବିଜେ ଦିନ ମା ଙ୍କୁ ଦେବେ କାଳିଆ ସାଆନ୍ତ ପାଟଲୁଗା ନେଇ ,
ରସଗୋଲା ଖୁଆଇ ମନରୁ ରାଗ ଦେବେ ଭୁଲେଇ ,
କହିବେ ହେ ଜଗତ ମାତ କେମିତି ଯିବ ତୁମେ ଦେଢଶୁର ତୁମ ଥିଲେ ମୋ ସାଥେ ବଡ଼ଭାଇ ହଳପାଣୀ ,
ମାନ ଭଞ୍ଜନ କର ତୁମ ଶ୍ରୀମନ୍ଦିରରେ ମୋତେ ଯିବାକୁ ଦେଇ ।