ମଙ୍ଗଳମୟ ହେ

ମଙ୍ଗ ମୟ ମୋ ଦୟାର ଠାକୁର ତୁମେ ତ କରୁଣାମୟ !

ତୁମ ନାମରସ ଅମୃତ ପରଶ ବିଶ୍ୱ ହୁଏ ମଧୁମୟ !!

ଅବିରତ ଝରି ପଡୁଛି କରୁଣା କିଏ ମାଗୁ କି ନ ମାଗୁ !

ଥରେ ତୁମ ଆଗେ ଯୋଡିଦେଲେ ହାତ ପୁରି ଯାଏ ଆଶା ସବୁ !!

ଆଶାର ସାଗର ସଦା ଅପୂରଣ କେବେ ପୂର୍ଣ୍ଣ ହୁଏ ନାହିଁ !

ଦିନ କିନ୍ତୁ କଟେ ଭଲରେ ଭଲରେ ତୁମରି ମୁହଁକୁ ଚାହିଁ !!

ତୁମେ ଥରେ ଯେବେ କଣେଇ ଚାହିଁବ ସବୁ ମିଳି ଯାଇଥାଏ !

ମାଗିବା ଆଗରୁ ଅଜାଡି ଦିଅ ହେ ଥରେ ଯିଏ ନାମ ନିଏ !!

କିଛି ଅଭିଯୋଗ କରିବିନି ପ୍ରଭୁ କିଛି ଅଭିମାନ ନାହିଁ !

କେବଳ ସଭିଙ୍କୁ ଦୟା କରିଥିବ ତୁମେ ହେ କମଳା ସାଇଁ !!