ମାଆ ଭଦ୍ରକାଳୀ

ଡାକିଦେଲେ ମାଆ ବୋଲି 

ଧାଇଁ ଆସୁ ଭୁଜା ମେଲି 

ଆସୁ ବାଧା ଯେତେ ଜୀବନର ପଥେ 

ତୋତେ ସୁମରିଲେ ଯାଏ ଟଳି 

ସାଳନ୍ଦୀର କୂଳେ ଦେବାଦେବୀ ମେଳେ 

ବସିଛୁ ନଗର ତୋଳି 

ମାଆ ଭଦ୍ରକାଳୀ ..ମାଆ ଭଦ୍ରକାଳୀ ।।

ନାଲି ମନ୍ଦାରରେ ଶଙ୍ଖାସିନ୍ଦୁରରେ 

ବେଲପତରେ ସଜେଇ ଥାଳି 

ନଡିଆ କଦଳୀ, ଖଣ୍ଡେ କଳାଶାଢୀ 

ଚିତା ଆଣିଛି ତୋ ପାଇଁ ଗଢି 

ତୋ ନାମଧରି ଦୀପ ଦେଲେ ଜାଳି 

ପାପ ଛାଏଁ ଯାଏ ଜଳି 

ମାଆ ଭଦ୍ରକାଳୀ..ମାଆ ଭଦ୍ରକାଳୀ ।।

ରାତି ଅଧେ, ଘୋଡା ଟାପୁ ଶୁଭେ 

ସାତଭଉଣୀ ଯାଉଲୋ ବୁଲି 

ରୁଣୁଝୁଣୁ ତୋର ପାଉଁଜିର ସ୍ବର 

ଶୁଣି ନିସ୍ତରିଲି..ନିସ୍ତରିଲି 

ଟେକି ଦେଲି ହାତ ଟେକ ରଖ ମାତ 

ତୋ ଚରଣେ ଶରଣ ଗଲି 

ମାଆ ଭଦ୍ରକାଳୀ ..ମାଆ ଭଦ୍ରକାଳୀ  ।