ତୁମେ ଗଲା ପରେ

ତୁମ ଗାଁ ବରଗଛ ଓହଳରେ 

ଜହ୍ନ ଯେବେ ଖେଳେ ଦୋଳି 

ଅଂଧାରିଆ ଘରେ ମୋର 

ଛାଇ ଆଲୁଅ ର ଭିଡ 

ବୋଧେ ସ୍ମୃତି ତୁମ ଜହ୍ନ ସାଜିି 

ଖେଳେ ଲୁଚକାଳି ।

ଆଉ କା' ସିନ୍ଦୁର 

ତୁମ କପାଳରେ ଝଲସିଲା ପରେ 

ଯେବେ ଯେବେ ତୁମ ଗାଁ ପୋଖରୀରେ 

ପଦ୍ମ ଫୁଟେ 

ମୋ ଆଖିର ଛଳ ଛଳ ସାତ ତାଳ

କାଚକେନ୍ଦୁ ପାଣି 

ଛବି ତୁମ ତୋଳି ଧରେ 

ରୂପ ତୁମ ଦେହ ଯାକ ଲୋଟେ  ।

ହଁ, ତୁମ ଗାଁ ଚଇତି ପବନ 

ଆସିଥିଲା ଧରି 

 ମଲ୍ଲୀ ମାାଳତୀ ର କଢି 

ତୁମ ଜୁଡା ରେ ତ,

ଆଉ କା' ଆଙ୍ଗୁଳିର ଟିପ ଚିହ୍ନ 

ମୋ ଆଙ୍ଗୁଳି ଫାଙ୍କ ରୁ 

ସେ ଓଦା କେଶ ବାସ୍ନା 

ଦେଖ! ଘରସାରା ପଡିଛି ବିଛୁଡି ।

ତୁମ ଗାଁ ଦେଉଳ ରେ 

ଯେବେ ଘଣ୍ଟି ବାଜେ, ଦୀପ ଜଳେ, ନେତ ଉଡେ 

ମୋ ମନ ମନ୍ଦିରରେ 

ଦେବୀ ରୂପେ ସଜେଇ ତୁମକୁ 

ଅଶ୍ରୁ ଅର୍ପି 

ନିତି, ପ୍ରୀତି ବାଢେ 

ଯୋଗୀ ଟେ ମୁଁ 

କେନ୍ଦରା ରେ ତୁମ ନାମ ଧରି 

ଦ୍ବାର ଦ୍ବାର ବୁୁଲୁଥାଏ 

ତୁମେ ଗଲା ପରେ ।