ଆମ ସ୍କୁଲ ଦିନ
ଆମ ସ୍କୁଲ ଦିନ
ସ୍କୁଲ ଯାଉଥିଲୁ ଆମେ ଗୋଡି ମାଟି ଉଡାଇ
କାଁ ଭାଁ ସାଇକେଲରେ ଜଣେ ଦୁଇଜଣ ଚଢ଼ି
ବସ ଅଟୋ ପରମ୍ପରା ନ ଥିଲୁ ତ ଜାଣି !
ସ୍କୁଲର ଭଲ ମନ୍ଦ ଚିନ୍ତା ଅଭିଭାବକ ନ କରନ୍ତି
ପାସ ଫେଲ ଚିନ୍ତା ସବୁବେଳେ ଘାରୁ ଥିଲା
ଶତକଡା (%)ସମ୍ବନ୍ଧଟି ବହୁ ଦୂରେ ଥିଲା !
ଗଧ ମୂର୍ଖ ଭାବିବେ କି ଏହା ଭାବି
ଟିଉସନ ହେବା ପାଇଁ ଲାଜ ଲାଗୁଥିଲା
ସାଇ ଭାଇ ଗୁରୁଜନମାନଙ୍କୁ ଭୟ ଭାରି ଥିଲା!
ବହି ଭିତରେ ଓସ୍ତପତର ମୟୁରପୁଛ ରେ
ଭାରି ଧାରଣା ଭଲ ପାଠ ହେବ ବୋଲି !
ଆଲୁମୁନିୟମ ଟ୍ରଙ୍କ କପଡା ଅଖା ବ୍ୟାଗ
ଆମର ସେଦିନର ଥିଲା ଖାତା ବହିର ଠିକଣା!
ନୂଆ କ୍ଲାସରେ ନୂଆ ପୁସ୍ତକରେ ମୋଟା ମାଟିଆ
କାଗଜର ମଲାଟ ମଡ଼ାଇଵା ଆମ ପାଇଁ
ବାର୍ଷିକ ଉତ୍ସବରୁ କମ ନଥିଲା !
ଲାଜ ଲାଗେନାହିଁ ଆମକୁ ପୁରୁଣା
ବହି ବିକ୍ରି କରି ନୂଆ ବହି କିଣିବା ପାଇଁ
ବାପା ମା ଉପରେ ନଥିଲା ବୋଝ !
ମାଡ ଖାଇବା ଆଣ୍ଠେଇବା କାନ ଧରି
ଏକ ଗୋଡ଼ିଆ କଷ୍ଟ ହେଲେ ମଧ୍ୟ
ଇଗୋ ପ୍ରୋବ୍ଲେମ ଆମର ନଥିଲା !
ଘରେ ଏବଂ ସ୍କୁଲରେ ମାଡ଼ ଖାଇବା
ଦୈନିକଜୀବନର ଏକ ସାଧାରଣ ଘଟଣା
କିନ୍ତୁ ଭାରି ଖୁସିର ଦିନ ଥିଲା !
କାଠପଟାର ବ୍ୟାଟ ଜରି କନା ରବର ଟ୍ୟୁବର ବଲ
ଖାଲି ପାଦରେ କ୍ରିକେଟ ଖେଳିବା ମଜା
ସାଇକେଲ କେରିୟାରରେ ବସିବୁଲିବା !
ପକେଟମନି କଣ ଆମେ ଜାଣି ନଥିଲୁ
ଗଣ୍ଠିଆ ସେଉ ବୁଟ ମିକ୍ସଚର ମୁଡୁକି
କିମ୍ବା 25 ପଇସା ପାଇ ଆମେ ଖୁସି ହେଉଥିଲୁ !
ଯୌଥ ପରିବାରରେ ଛୋଟ ଛୋଟ
ଆବଶ୍ୟକତା ଶୀଘ୍ର ପୂରଣ ହେଉଯାଉଥିଲା
ବାସ୍ତବ ଦୁନିଆରେ ଆମେ ସବୁ ରହୁଥିଲୁ !
ସ୍ମୃତି ଏକ ରୂପା ଜହ୍ନ ଭଳି ଅଭୁଲା ସେ ସ୍ମୁତି
ମନ ପଡିଲେ ସେ ସ୍କୁଲ ଦିନ କଥା
ହସ ମାଡ଼େ ସେ ବାଲ୍ୟ ଚପଳତା !