ବଡ଼ଭାଇ ବିଶ୍ୱନାଥ
ବଡ଼ଭାଇ ବିଶ୍ୱନାଥ
ସମ୍ବୋଧିତ ବିଶ୍ୱନାଥଙ୍କ ନାମେ
ପ୍ରଥମ ଗର୍ଭର ସନ୍ତାନ ତୁମେ ।
ପାଇଲ ଅଜାଙ୍କ ରୂପ ଆକାର
ବଇଦ କରମ କଲ ସାକାର ।
ସ୍ନେହଁ ନାମ ବୁଲୁ ହୋଇଲା ତୁମ
ଚଉଧୁରୀ ମନମୋହନ ସମ ।
ଦୂରେ ରହି ଶିକ୍ଷା ଗ୍ରହଣ କଲ
ଶେଷେ ପ୍ରାଣୀ ସେବାକର୍ମ ବାଛିଲ।
ବିଷୟ ସଂସ୍କୃତ ମୋହିଲା ମନ
ପଠନରେ ରହି ଛାତ୍ର ବିଜ୍ଞାନ ।
ଥିଲା ରୂପ ଗୁଣରେ ଜମିଦାରୀ
ଅର୍ଥ ସ୍ୱଚ୍ଛଳତା ପାଇଁ ଚାକିରୀ ।
ସମର୍ପିଲ ପ୍ରାଣ ପ୍ରାଣୀ ସେବାରେ
ଗୃହସ୍ଥ ଆଶ୍ରମ ବ୍ରତୀ ହେବାରେ ।
ପାଳିଲ କରମ ବ୍ରତ ଈଶ୍ୱର
ବ୍ୟକ୍ତିତ୍ୱ ତୁମ ଭୋଳା ମହେଶ୍ୱର ।
ଦାସ ପରିବାରେ ଅଗ୍ରଜ ହୋଇ
କଥା ନୁହେଁ କର୍ମେ ମହତ୍ୱ ଦେଇ ।
ଭାଗ୍ୟେ ପୁତ୍ର ପୁତ୍ରୀ ଭାରିଯା ପାଇ
ଧର୍ମେ ପିତା ମାତା ଭଉଣୀ ଭାଇ ।
କର୍ମାହୁତି ଝାସେ ଦେଲ ଜୀବନ
ଶ୍ରମରେ କର୍ମରେ ଚୀର ସୃଜନ ।
ଅବସାଦ କ୍ଳାନ୍ତି ପୀଡାରେ ଥାଇ
ଜଗତ ସେବାରେ ଆନନ୍ଦ ପାଇ ।
ରୋଗ ସୁଖ ଦୁଃଖଭରା ସଂସାର
ଜରା ଜନ୍ମ ମୃତ୍ୟୁ ସତ୍ୟ ସ୍ଥବିର ।
ପରମାୟୁ ପରମାତ୍ମାଙ୍କ ହାତେ
ନିମିତ୍ତ ମଣିଷ ଜୀବନ ସତେ ।
ଶେଷ ନିଷ୍ପତ୍ତିର ଘଡି ଆସିଲା
ଆତ୍ମା ଶରୀରରୁ ମେଲାଣି ନେଲା ।
ଧରମେ ପ୍ରାପତ ପରମଗତି
ପୂଣ୍ୟ ସ୍ୱର୍ଗଦ୍ୱାରେ ଶରୀରାହୁତି ।
ପାଉ ତୁମ ଆତ୍ମା ଯେ ସଦଗତି
ପ୍ରଭୁ ଚରଣରେ ପ୍ରାର୍ଥନା ନିତି ।