ଆ ସୁନାଫୁଲ ଆ

      ଆ ସୁନାଫୁଲ ଆ

ବସ୍ତାନିରେ ଭରି   ବହି ଓ ସିଲଟ

     ଯିବା ପାଠଶାଳା ଆ ।

ଛବିଳ ଆମର   ମଧୁ ବର୍ଣ୍ଣବୋଧ

     ପଢ଼ିବା ଅକ୍ଷର ଚିହ୍ନି

ଗୁରୁଜୀ ଗୁରୁମା   ଶୁଣାଇବେ ଗପ

     ତାଙ୍କ କଥା ଶୁଣି ମାନି

      ମଡାଇବା ଅ ଆ

ହେଲେ ବର୍ଣ୍ଣବୋଧ   ବାଡି ଚିତା ନଗୀ

     ମାତ୍ରାକାର ଶିଖିଯିବା ।

ଆ ସୁନାଫୁଲ ଆ----

ମନକୁ ଲଗାଇ   ଧିରେ ଧିରେ ପାଠ

     ପଢିଯିବା ଯୁକ୍ତାକ୍ଷର

କଥାଗୀତ ସବୁ   ଡିଗି ଡିଗି ହୋଇ

     ଉଚ୍ଚାରିବା ଅନର୍ଗଳ

    ହେବା ଆମେ ସୁନାପିଲା

ଖାତା ପେନସିଲ     କଲମ ଧରିବା

    ଟେକ ହେବ ଆମ ନାଆଁ ।

ଆ ସୁନାଫୁଲ ଆ----

ଗୋଲଗୋଲ କରି   ଧାଡିରେ ଅକ୍ଷର

      ହସ୍ତାକ୍ଷର ଚିତ୍ରାଙ୍କନ

ଲେଖିବା ରଚନା    କବିତା କାହାଣୀ

      ପଢ଼ିବା ଜ୍ଞାନ ବିଜ୍ଞାନ

      ଗଣନା କରିବା ସ°ଖ୍ୟା

ସହଜ ସୁନ୍ଦର     ମିଶାଣ ଫେଡାଣ

     ଘୋଷିଦେବା ପଣିକିଆ ।

ଆ ସୁନାଫୁଲ ଆ-----