ଜାଗର ରାତି

ଚାଲଲୋ ସଜନୀ ଯିବା 

        ଶିବ ମନ୍ଦିର

ଆଉ କରନା ଲୋ ଡେରି

        ହେଲା ଉଛୁର

ବରଷକେ ପୁଣି ଧରାକୁ ଆସିଛି

       ଜାଳି ଦେବା ଜାଗର

ବର ଯାଚି ଦେବେ ଭୋଳା ଶଙ୍କର।

କେତେ ଦିନରୁ ଚାହିଁ ରହିଥିଲୁ

    ଆସିବ କେବେ ସେ ରାତି

କେତେ ଦୂର ଯାଇ ଖୋଜି ଆଣିଲୁ

    ଚଢାଇ ଦେବୁ କେତକୀ

ସବୁ ଅଭିଳାଷ ପୂରଣ ହୋଇବ

     ଗୁନ୍ଥି ଦେବୁ ଚମ୍ପା ହାର

ବର ଯାଚି ଦେବେ ଭୋଳା ଶଙ୍କର।

ଶିବଙ୍କ ନାମକୁ ତୁଣ୍ଡେ ଧରିଥିବୁ

      ତୋ ମନେରଖି ଭକତି

ସବୁ ଜଞ୍ଜାଳକୁ ଭୁଲି ଆସିଥିବୁ

     ଭବରୁ ହେବୁ ମୁକତି

ମହା ଦୀପ ଲୋ ଦର୍ଶନ ହୋଇବ

        ରହିଥିବୁ ଉଜାଗର

ବର ଯାଚି ଦେବେ ଭୋଳା ଶଙ୍କର।