ମାଆର ଚୁମ୍ବନ ଆହା କି ମିଠା

ଯେତେ ଅନୁଭବ ସମ୍ପର୍କ ବନ୍ଧନେ

ତୋଳି ଦେଇଛନ୍ତି ଜଗତ ସ୍ରଷ୍ଟା

ମମତା ଓଠରେ ଛୁଇଁ ଦେଉଥିବା

ମାଆର ଚୁମ୍ବନ ଆହା କି ମିଠା !

ତା' ବାତ୍ସଲ୍ୟ ପ୍ରୀତି ମନୁ ହରେ ଭୀତି

ମୁହଁକୁ ଲୁଚାଇ ପଣତ ତଳେ

ସତେ ମିଳିଯାଏ ଅଭୟ ଆଶ୍ରୟ

ମନ ଯେମିତି ଆନନ୍ଦେ କୁରୁଳେ ।

ପିଠି ଥାପୁଡେଇ ମିଠା କଥା କହି

ସତେ କି ଢାଳଇ ମୁଖରେ ମହୁ

ବଢ଼ି ଯାଉଥିଲେ ଯେତେ ବି ବୟସ

ପାନ କରିକରି ଖୁସିରେ ରହୁ ।

ଅମୃତମୟୀ ସେ ଏହି ସଂସାରରେ

ତହା ସରି ଆଉ କିଏ ବା ଅଛି

ଆଶୀର୍ବାଦ ଝରେ ସଦା ଭିଜିଭିଜି

ଦୁଃଖ ଫିଙ୍ଗି ଚଳୁ ସୁଖକୁ ଭୁଞ୍ଜି ।

ତା' ସେନେହ-ସୁଧା ଯେ ଫିଙ୍ଗି ଜୀବନେ

ସଂସାର ବୁକୁରେ ବାଟ ଚାଲଇ

ପୁଷ୍ପ ହୁଏ କଣ୍ଟା ଝରିପଡେ ରକ୍ତ

ଅଶାନ୍ତି ପାହାଡ଼ ଠିଆ ହୁଅଇ ।

ତା' ସ୍ନେହ-ଧନଠୁ ବଡ଼ ନୁହେଁ କିଛି

ବିବେକୀ କେବଳ ମନେ ପୂରାଇ

ତା' ଭଲ ପାଇବା ମନରେ ନମାପି

ସଦା ସୁଖ ତୋଳି ମର୍ତ୍ତ୍ୟେ ରହଇ ।