ଅଲଣା କଥା
ଅଲଣା କଥା


ମୂଲ୍ୟଯୁକ୍ତ କଥା କି କୋଟିଏ ଟଙ୍କା
ଫୁଟାଇ ପାରଇ ମୁଖରେ ହସ
ଅଲଣା କଥାରେ ଆଦର ନଥାଏ
ଭରି ନପାରଇ କା'ରେ ସନ୍ତୋଷ ।
ଲୁଣ ବିନା ତରକାରି ନଲାଗଇ
ଯେପରି ଟିକିଏ ହେଲେ ସୁଆଦ
ଅଲଣା କଥାର ନଥାଏ ଗୁରୁତ୍ତ୍ବ
ମୁଖରେ ବୋଳିବା ହାସ୍ୟାସ୍ପଦ ।
ମୂଲ୍ୟବାନ ମଧୁ ବିନୟ ବଚନ
ସିନା ଭରିଦିଏ କେତେ ଯେ ଖୁସି
ମୂଲ୍ୟହୀନ କଥା ତା' ଦେଇ ପାରେନି
ଯେତେ କହିଲେ ବି ଟିକିଏ ହସି ।
କହିବା ଲୋକ ଯା' ବକବକ ହୋଇ
ଆନଠି ବିରକ୍ତି ଭାବ ଜଗାଏ
ଶୁଣିବା ଲୋକଟା ଏକାନେ ପୂରାଇ
ସେ କାନରେ ବାହାର କରିଦିଏ ।
ଏପରି କଥାକୁ ଜୀବନରେ କେବେ
କେହି ବି ବିଶ୍ବାସ କରି ପାରେନି
ଭରସାଠୁ ଥାଏ ଅନେକ ଦୂରରେ
ଆଶା ପୋଷଣେ ବି ରହଇ ତୁନି ।
ଏପରି ଚଚନ ସୃଷ୍ଟି କରିଥାଏ
ଆନର ମୁଖରେ ବିରକ୍ତି ଭାବ
ବୋଲିବା ଲୋକଟା ଗଣା ନିର୍ବୁଦ୍ଧିଆ
ବଦଳେ ନାହିଁ ବି ତାହା ସ୍ବଭାବ ।