ବାରମାସ ଛଅୠତୁ କଥା
ବାରମାସ ଛଅୠତୁ କଥା
ବଇଶାଖ ଜ୍ୟେଷ୍ଠ ଗ୍ରୀଷମର କଷ୍ଟ,
ଆଷାଢ଼ ଶ୍ରାବଣେ ମେଘ l
ଭାଦ୍ରବ ଆଶ୍ୱିନେ ଶରତର ଶୋଭା
ମେଘ ପଳାଇଲା ବେଗ ll
ହେମନ୍ତେ କଟଇ କାର୍ତ୍ତିକ କାକରେ
ଶିଶିରରେ ମାର୍ଗଶୀର l
ସର୍ଷପ କୁସୁମେ ମନୋରମ ଧରା
ପୂଜା ପଦ୍ମାଳୟାଙ୍କର ll
ଆସେ ପୁଷ ମାସ କୃଷକ ହରଷ
ଖଳାରେ ବିତିଲା ରାତ୍ରୀ l
ମାଘ ବାଘ ଜାଡ଼ ଦାନ୍ତ ବାଜେ ଖଡ଼
ପୂଜା ମାଆ ବିଦ୍ୟାଦାତ୍ରୀ ll
ଫଗୁଣ ଚଇତ୍ର ବସନ୍ତେ ମଳୟ
ବାୟୁ ବହେ ମନ୍ଦ ମନ୍ଦ l
କୋକିଳ କୁଜନେ ମୁଖରିତ ଧରା
ବିମାନେ ଦୋଳଗୋବିନ୍ଦ ll
ବରଷକେ ବାରମାସ ଛଅୠତୁ
ସଂକ୍ଷେପେ କହିଲି ଭାଇ l
ସରଜନା ସିନା ବିଶ୍ୱ ବିନ୍ଧାଣିଙ୍କ
ଦୋଷ ମୋ ଧରିବ ନାହିଁ ll