ଦୀପାବଳୀ
ଦୀପାବଳୀ
ମହା କାର୍ତ୍ତିକର ଅଗମନେ
ଆତ୍ମୀୟ ସ୍ବଜନ ସାଥେ
ଧର୍ମ ଦୀପାଳି ଜାଳି ସଭିଙ୍କୁ ମୋର ଶୁଭ ଦୀପାବଳୀ ।
ଜ୍ଞାନର ଦୀପ ଜଳାଇଲେ ଦୀପାବଳୀ ସବୁ ଦିନ।
ପବିତ୍ର ପଣରେ ଦୀପଟେ ଜାଣିଲେ ମାନବ ପ୍ରେମର ଝରଣା ଉନ୍ମୁଳେ ।
ଅମାବାସ୍ୟା ଦିନ ଶ୍ରୀରାମ ସ୍ବାଗତେ ମାଟି ଦୀପ ଆମେ ଜାଳୁ ।
ମା କାଳୀଙ୍କ ଆରାଧନା ହୁଏ କାର୍ତ୍ତିକ ଅମାବାସ୍ୟାରେ।
ଦେବତୀ ଦେବାଂଶୀ ଶ୍ୟାମାଙ୍କ ପାର୍ବଣ ଆଗମ ମନ୍ତ୍ର ତନ୍ତ୍ରର ଆହ୍ବାନ।
ରୁଧୁର ପିୟାସୀ ଭୈରବୀ ଚାମଣ୍ଡା ଦାନବ ଦଳିନୀ ତ୍ରିପୁର ବ୍ୟାପିନୀ ।
ଦାନବ ସଂହାରି ମାତା ମହାଶକ୍ତି ରକ୍ତଭୋଜି କରିଥିଲେ।
ଅସତ୍ୟ ଉପରେ ସତ୍ୟର ବିଜୟ ହୋଇଥାଏ ସଦାବେଳେ ।
ପୁଣ୍ୟ ଦୀପାବଳୀ ପ୍ରୀତିର ଦୀପାଳି ମନେ ସୁଖ, ଶାନ୍ତି,ମୈତ୍ରୀ ଆଣୁ ।
ପ୍ରଭୁ ରାମଚନ୍ଦ୍ର ବନରୁ ଅଯୋଧ୍ୟା ଫେରି ପ୍ରତିଦ୍ରାରେ ଘୃତ ଦୀପ ପ୍ରଜ୍ବଳନ।
ସତ୍ୟ ଯୁଗେ ପ୍ରଭୁ ନରସିଂହ ରୂପେ ସ୍ତମ୍ବରୁ ହୋଇ ପ୍ରକଟ
ଏହି ଦିନେ ପ୍ରଭୁ କରିଥିଲେ ହିରଣ୍ୟ କଶିପୁ ହତ ।
ଶ୍ରୀ ରୂପା କୁରୁପା କାଳିକା କଲ୍ୟାଣୀ ଦୁଆର ମାର୍ଗରେ ଉଜ୍ଜଳ ଦୀପାଳୀ ।
ଚଉରା ମୂଳରେ ବର୍ଣ୍ଣିଳ ରଙ୍ଗୋଲି ଜ୍ଞାନର ପ୍ରଦୀପ ଅଜ୍ଞାନ ଅନ୍ଧାର।
କାଉଁରିଆ କାଠ ଜାଳି ଫୁଲ, ଦୀପ, ଧୂପ ବଡବଡିଆଙ୍କୁ ଡାକନ୍ତି ଭକ୍ତିରେ।
ପିଠା, ପଣା, ଭୋଗ ଦେଇ ବାକିଥିବା ଦେୟ କରନ୍ତି ଆଦାୟ ସମସ୍ତ ଦୋକାନୀ ଭାଈ ।
ରାସାୟନିକ ବାଣ ଫୁଟା ଅଟଇ ସଂସାର ପାଇଁ ବିଷ ।
ଧନ ଜୀବନକୁ ନଷ୍ଟ କରିଦିଏ ବାଣ ବିସ୍ଫୋରଣ ଜାଣ।
ଆଲୋକର ପର୍ବ ଅଟେ ଦୀପାବଳୀ ଆନନ୍ଦେ କର ପାଳନ ।
ଦୀପଠାରୁ ଶିଖ ଆଲୋକ ପ୍ରଦାନ ଅନ୍ୟର ମଙ୍ଗଳ କରି
ଏହି ଦୀପାବଳୀ କେହି ଦୁଃଖୀ ରଙ୍କି ଦୀପ, ବାଣ ଅବା
ଖାଦ୍ୟର ଅଭାବେ ନିରାଶ ନ ରୁହନ୍ତୁ।