यशाची झेप

महत्त्वाकांक्षा उरी बाळगून घे तू झेप उंच आकाशी

न डगमगता पुढे जा , द्रूढ निश्चय कर हा मनाशी

घेऊ दे स्वप्नांना उंच भरारी पुर्नत्वाच्या दिशेने

दे प्रयत्नांची साथ त्यांना मग यशाच्या आशेने

जरी नसेल पुरेसे बळ पंखांत, जिद्द कधी कमी न होवो

कष्ट करूनी योग्य दिशेने आकाशी विमान हे उडत राहो

पाऊस नि वारा येईल समोर संकटांच्या रूपाने

त्यातूनही वाट काढत जिंकून ये तू हिम्मतीने