वसुंधरा

जन्मापासूनच होती मी समृद्ध

सुखाने नांदत होती चोहीकडे

हिरवा शालू परिधान करून

ऐटीत पाहत होती मी सृष्टीकडे

लेकरे होती माझी अज्ञानी

संभाळत होती मला जीवा परी

लेकरे झाली माझी ज्ञानी

आधुनिकतेची चढवली झालर माझ्यावरी

बलाढ्य कारखाने उभारले 

वायू आणि जल प्रदूषण वाढवले

मानव आणि जलचर जीवन

मानवानेच उध्वस्त केले

भूमी सपाट केली जंगले

उभारले डौलदार इमारती आणि बंगले

थांबवा लेकरांनो आता तरी जमिनीची धूप 

नाहीतर मानवजातीवर संकट येईल खूप

जागे व्हा लेकरांनो

मागणे हेच तुमच्या पृथ्वीचे

थांबवा आता ध्वनी, जल, वायू प्रदूषण सारे

अन् फुलवा जीवन नव्याने या वसुंधरा मातेचे