विजयादशमी
विजयादशमी
आश्विन शुद्ध दशमीला
सण हा येतो दसरा
हिंदू संस्कृतीत महत्त्वाचा
होई चेहरा सर्वांचा हसरा....
दारात झेंडूचे तोरण लावून
रांगोळीमध्ये रंग भरू
गोडधोडाचा नैवेद्य करुन
अस्त्र,शस्त्रांचे पूजन करु....
साडेतीन मुहूर्तांपैकी एक
दसरा हा सण विजयाचा
देवीने केला वध असूराचा
दिन पराक्रमाचा, पौरुषाचा....
दसऱ्याला शिवरायांनी प्रतापगडी
प्रारंभ केला भवानी उत्सवाचा
अनेक पराक्रमी, शूरवीर राजे
करी बेत सिमोल्लंघनाचा......
विजयादशमी सण हा मोठा
आनंदास नसे काही तोटा
सोन्यासमान आपट्याची पाने
दसऱ्याला सर्वांना वाटा....
बुद्धीची देवता सरस्वतीचे
चित्र काढून पूजा करु
घेऊन आशीर्वाद नवदुर्गेचा
खणा नारळाने ओटी भरु.....