तुलना
तुलना
1 min
352
नका करू तुलनात्मक व्यवहार
प्रत्येकाचं असतं एक वैशिष्ट्य
अंगी भिनतो तुलनेने न्यूनगंड
केलेला प्रत्येक प्रयत्न आहे सर्वश्रेष्ठ
थेंब थेंब अखंड पाण्याच्या माऱ्याने
फुटतो दगडालाही पाझर
तुलनेच्या घातक सवयीने
साचत जाते मळाची घागर
साशंक वृत्तीने पाहणे सर्वांना
मनाची आहे कोरी कल्पकता
खचतो तुलनेने आत्मविश्वास
तुलना ही दुर्बळ मनाची वैधता
प्रत्येक व्यक्ती नवी संकल्पना
सांडतात तराजू मधून यातना
तुलनेने भावनांचा मांडला बाजार
पडती कोलमडून निरागस चेतना