निसर्ग
निसर्ग
निर्सगाचा अनोळखी अद्भूत चित्रकार
नयनरम्य अप्रतिम चित्र बनवून गेला
संमोहित प्रकृतीचा मुक्तहस्ते उधळुनी
इन्द्रधनुष्याचे रंग सजीव उकरून गेला
रानपाखरापासून घ्यावी भरारी उडण्याची
उगवता सूर्य लावतो प्रथम हजेरी उठण्याची
काळ्या मातीची उजवली तेव्हा कुस
अंकुरली विविध बीजे जेव्हा उदरीची
निळ्या विशाल नभाची घेऊनी साथ
उत्कंठीत ऊर्जेचा क्षमतेचा आत्मविश्वास
निर्झर झरा वाहतो आकाशगंगेचा
माणसांचा निसर्गावर अतूट विश्वास
पौर्णिमेचा पूर्ण चंद्र आहे लावण्याची खाण
शुक्राची चांदणी आणते प्रीतीला उधाण
खट्याळ वारा झुलवितो नाजूक स्पर्शाने
कळी लाजते फुलपाखराच्या पंखाने
समुद्र शिकवितो असावी सहनशीलता अंगी
काळी माय धरते मायाममतेच्या पदराखाली
निरभ्र आकाशाचे ओढून पांघरूण
पाखरे निद्रिस्त कोवळी किरणे उशाशी घेऊन