लाइब्रेरी
प्रोफाइल
तुला पाहिले मी
तुला पाहिले मी
1 min
949
तुला पाहिले मी
तुला पाहिले मी आई
रातदिन कष्टताना
पांढऱ्या कपाळाने
संसारगाडा ओढताना
विधवा म्हणून अवहेलना
हसत पचविणारी नारी
लेकरांच्या भविष्याचीच
स्वप्न जपलीस उरी
भेकड वासनांध नजरा
तुझ्याभोवती घालायच्या पिंगा
संघर्षाने भेदक बनलेली नजर
दाखवायची त्यांना ठेंगा
आई कसं काय जमलं गं
आयुष्याचं विष पचवणं
फाटकी ठिगळ जोडताना
चारित्र्य जपून जगणं
कधी कमकुवत मनानी
ढासळली नाहीस जीवनी
लेकरांना पोरकं करण्याची
निती नव्हती गं तुझ्यामनी
आई तुला पाहिलं मी
दुर्गा कालिकेच्या रुपात
तुझ्या पुण्याईनंचं गं माई
आम्ही सुखानं नांदतोय जीवनात!
स्मिता मुराळी, सोलापूर
