तुला काहीतरी सांगायचं आहे

तुला भेटायचं आहे

कमी दिवसात इतका खास कसा , 

 विचारायचं आहे..!!

तुला स्पर्श करायचा आहे

इतका गोड आहेस तरी कसा , 

जाणून घ्यायचं आहे..!!

हे नातं कसं दृढ आहे

त्याचा नेमका तपशील असेल कसा , 

मला जाणून घ्यायचं आहे..!!

प्रत्यक्ष बघुन प्रेमात पडायचं आहे

तु नेमका आहेस तरी कसा ,

तुला विचारायचं आहे..!!

प्रत्येक गाण्याचा अर्थ विचारायचं आहे

इतका सुमधुर गातो तरी कसा ,

हे प्रत्यक्ष अनुभवायचं आहे..!!

कोणी ना कोणी प्रत्येकाच्या आयुष्यात आहे

तु सगळ्यां पेक्षा वेगळा कसा ,

हे तुला सांगायचं आहे..!!

बोलू ना बोलू ती धडधड ऐकायची आहे

प्रत्येकवेळी आगळा कसा ,

तुझ्या डोळ्यात पहायचं आहे..!!

तुला डोळ्यात साठवायच आहे

हृदयाच्या तळाशी तू असशील तसा ,

आयुष्यभर जपून ठेवायचं आहे..!!