तस्मै श्री गुरवे नमः
तस्मै श्री गुरवे नमः
काव्यप्रकार अभंग
रचना ६/६/६/४
गुरु महाज्ञानी / खरा ज्ञानदानी
खाण सद्गुणी / वंदनीय //(1)
हरीनाम ध्यासे / गुरु लाभतसे
ज्ञानदान असे / पारखूनी //(2)
अपार सोशिक / विद्यादान करी
खरी आस धरी / पुण्यप्राप्ती //(3)
विद्यावाचस्पती / शिस्त पित्यापरी /
शिष्य हिऱ्यापरी / घडवितो //(4)
आत्मविश्वासाचे / बळ शिष्या देई /
विनय बाणवी / अग्रक्रमे //(5)
आपुली महती / मौनबद्ध करी/
सुगंध कस्तुरी / दरवळे //(6)
गुरुचा महिमा / काय तो वर्णावा /
वरदान, कृपा / शिष्याप्रती //(7)