तिला कसे सांगावे

तिला कसे सांगावे

तिला कसे कळवावे

ती मला आवडते त्याचे काय करावे

वाटते तिलाच पहात रहावे

तिने बोलत रहावे

मी समोर बसून ऐकत रहावे

तिला कसे सांगावे

मनात उमललेले फूल तिला कसे दाखवावे

उरलेले आयुष्य आता तिच्या बरोबरच घालवावे

तिचे दुःख तिच्याकडून कसे मागून घ्यावे

माझ्या कडील सर्व सुख तिच्या बरोबर वाटावे

अश्या विचारातच माझे मन सदा रमावे

तिला कसे सांगावे

आपले मन तिला उकलून कसे दाखवावे

त्यात तिला तिचे प्रतिबिंब दिसावे

असे काही तरी व्हावे

माझे तिच्यावरचे प्रेम तिला मी न सांगता कळावे

मी तिच्यात अन तिने माझ्यात विरघळावे

तिला कसे सांगावे

प्रेमाचे वावटळ उठावे

आम्ही त्यात अजाणता अडकावे

मधेच वीजेने कडकडावे

तिने भिऊन माझ्या हाताला घट्ट धरावे

पावसाच्या सरीने आम्हाला धोपटावे

तिला कसे सांगावे

तिने नाही म्हटले तर काय करावे

आता जे एकतर्फी आहे तेही लागेल सोडावे

का तिला न विचारता असेच एकतर्फा प्रेमाच्या भ्रमात रहावे

तिच्यासाठी तिला नकळत झुरावे

तिच्या आठवणीत आयुष्य एकाकी घालवावे

तिला कसे सांगावे