पाण्यात

दवबिंदू आहे

घरंगळून नाहीसा होणार आहे

आहे तोपर्यंत सूर्यकिरणांमुळे चमचमणार आहे

दवबिंदूच्या जीवनाचे यातच साफल्य आहे

इंद्रधनुष्य आहे

सप्तरंगाने नटले आहे

सुंदर आहे पण सगळे उसने आहे

सगळेच उसने ही व्यथा आहे

समुद्रात उठणारी लाट आहे

समुद्राहून वेगळे लाटेचे अस्तित्व कोठे आहे

समुद्रातच उमटायचे आणि मिटायचे आहे

वर्तुळात फिरत रहायचे आहे

पाण्यात पडलेले मीठ आहे

पाण्यात विरघळायचे आहे

अस्तित्व विलिन करायचे आहे

पाण्याची ओळख बदलायची आहे