ती सध्या काय करते

आठवणीच्या हिंदोळ्यावर

काळजात दुःख सलते

मन स्वतःला विचारते

ती सध्या काय करते ||

आरशात रूप पाहताना

प्रेमभावना तिला छळते

हरवलो मी यातनात

ती सध्या काय करते ||

चटका लागला जीवाला

दुनियादारीत ती हरते

ऊन सावलीचा खेळ जुना

ती सध्या काय करते ||

नशिबाचा फेरा चुकला

मनात प्रेमाला ठेवते

व्यवहार नाही समजला

ती सध्या काय करते ||

विरहाच्या वेदनांनी

क्षणाक्षणाला ती मरते

मी सुद्धा सरणावर

ती सध्या काय करते