थांबवा ही भ्रूण हत्त्या !!

अहो,कुणीतरी सांगाल का ?

स्री सबला असूनही 

स्री भ्रूण हत्त्या करतात का ?

तिला इतकं घाबरतात

इतकं कमी लेखतात

की,ती येण्याची चाहूल लागताच तिला हद्दपार का करतात ?

स्वत:ही होणार असतात पिता

मग का पेटवताय भ्रूण हत्तेची चिता ?

ममतेच्या हृदयी लादून नैराश्यता

पिचवताय का वात्सल्यमयी अंतरा ?

लावून पुरुषांच्या खांद्यांला खांदा

स्री ही ओढतेच ना संसाराचा गाडा 

तरीही का होत नाही स्री-पुरुष समानता?

अन का थांबत नाहीत स्री भ्रूण हत्त्या ?

आज नाही कुठंही कमी स्री या जगात

स्वकर्तृत्वानं चकाकतेय ती सार्याच क्षेत्रात 

अशी ही स्रीची महती सारेच जाणतात

तरी ही वेड पांघरूण पेडगावी का जातात ?

स्री पोटीच जन्म घेवून 

तिच्या मायेच्या संगोपनीच वाढून 

अन तिचीच अवहेलना करुन

वावरताय का कृतघ्न होवून ?

हं.आलं,आलय ध्यानी

मुलगी ही परक्याचं धन समजून 

बलात्कार,हुंडाबळी अन काही सामाजीक रुढी

या आणि अशा अनेक कारणांचा विचार करुन 

मुलीच्या दृष्टीने या सार्या कटकटीच समजून

भ्याडपणे तिला का देताय घालवून ?

पण या सार्या कारणांत तिचा काय दोष ?

धरु नका तिच्यावर रोष

तुम्हीच नष्ट करा

सार्या अन्यायांचे कोष

अन येवू द्या तिला

दोन कुळांचा करण्या जयघोष 

दोन कुळांचा करण्या जयघोष !!!