स्वतंत्र भारताची संकल्पना

देश माझा असा हवाय 

जिथे असेल एकच जात 

नको कोणताही धर्मभेद 

असेल फक्त अखंड भारत  II

 

वाढलेली विषमता व्हावी कमी 

समानता यावी जनमाणसात 

श्रीमंती आणि गरिबीतले अंतर 

येऊ देईना देशाला पुढे जगात  II

 

अन्यायाला नसावा थारा 

न्यायाची असावी एक धार 

भ्रष्टाचाराला बसावी खीळ 

भेदभाव ही होतील हद्दपार  II

 

राष्ट्रभक्ती असावी प्रत्येकाच्या मनात 

त्याला मिळावी देशभक्तीची जोड 

स्मरण करावे त्या देशभक्तांना 

ज्यांच्या कार्याने स्वातंत्र्य मिळाले गोड  II

 

स्वप्नांसाठी बलिदान दिले त्यांनी 

आठवण ठेवा या क्रांतिकारकांची 

चाड असायलाच हवी राष्ट्रप्रेमाची 

बंधन पाळूयात या स्वातंत्र्याची  II

 

आणावी समानता प्रत्येक क्षेत्रांत 

बदलावी लोकशाहीची समाजरचना 

तिलांजली द्यावी साऱ्या आरक्षणाला 

साकारु स्वतंत्र भारताची संकल्पना  II