शब्द आले सोबतीला

कोरोनाच्या काळातच 

माझ्यातल्या मी शोधला 

अक्षरांच्या ओळखीत 

हरवलो मी स्वतःला 

 

लेखणीत पाहीले मी 

झाली ओळख शब्दांची 

देवाणघेवाण केली 

मिळवणी अक्षरांची 

 

जुळवाजुळव केली 

वाक्य शब्दांनी बनली 

अर्थ निघत ते गेले 

यमकही जुळवली 

 

हळूहळू वाढे साठा 

शब्द आणि अक्षरांचा 

मिळे सुदंर विषय 

लिहिण्याला कवितांचा 

 

हितगुज केले मीच 

साथ स्वतःची मिळाली 

केली सोबत शब्दांनी 

काव्यांतल्या रचनेने 

 

रममाण झालो आता 

पान लेखणी रंगली 

माझ्यातला कवित्वाला 

साद मनानी घातली