...... 🌹 दरवळ मातीची 🌹 ......

काळ्या कुट्ट ढगांनी 

आले आभाळ भरुनी 

शिडकावा पावसाचा पडला अंगणी 

सुगंधाने बहकली ओली धरणी  II

 

रिमझिम धारांनी मातीला आला सुगंध 

तरी खेळ चाले नभी चांदण्याचा

लहानपणीच्या आठवणींना येतो स्म्र्तीगंध 

त्याला सहवास मिळतो चंद्रमाचा   II

 

पावसाचा पहिला मुलगा मृग 

पृथ्वीला जाऊन बिलगला 

थरथरणाऱ्या धरणीच्या या कुशीत 

अलगद येऊन विसावला  II

 

काळ्या आईने धरले बाळसे 

कोवळ्या कोबांना जन्माला घातले 

हिरव्यागार शालूने धरती नटली 

तरारून बीजांकुरे झेपावली आभाळाले   II

 

दरवळ तुझीच आहे 

या मातीच्या सुगंधामध्ये 

मृदगंध हि तुझाच आहे 

या चिंब भिजल्या मातीमध्ये   II

 

या ओल्या चिंब सरीने 

आठवणी केल्या आपल्या ताज्या 

या मृदगंध हळुवार गारव्यात 

स्पंदने तुझी ओंजळीत माझ्या  II