नभीच्या जलधारा
नभीच्या जलधारा
1 min
210
उष्णतेच्या दाहकाने
सोलटली पुरी पाठ
नभीच्या धारांची कशी
पाहत होतो मी वाट
धगधगलेली धरणी
वळीव करील शांत
बळीराजाची तयारी
करी शेती मशागत
ढगांची मैफिल रंगे
निळ्याभोर आकाशात
आलं आभाळ भरुनी
गारांचा सडा शेतात
बरसती जलधारा
नटली ही सारी सृष्टी
गधं मातीला सुटला
मृगाची ही पुष्पवृष्टी
काळी धरणी पोटात
बाळसे धरू लागली
कोवळे हिरवे कोंब
जन्माला घालू लागली
झाला प्रेमाचा वर्षाव
धरती शालू नेसली
तरारली बीजांकुरे
आकाशात झेपावली.