Library
Profile
ग्रंथराज ज्ञानेश्वरी
ग्रंथराज ज्ञानेश्वरी
1 min
576
भाद्रपद षष्टी II ज्ञानाचे भांडार II
जीवनाचे सार II लिहीतसे II
प्रवरे संगमी II भक्तीचा सागर II
प्रेमाचे आगर II ग्रंथराज II
राजा ज्ञानियांचा II असतो महान II
लिही तत्वज्ञान II ज्ञानदेवी II
प्रभावी वर्णन II असे हे सुदंर II
झाला साक्षात्कार II सर्वश्रेष्ठ II
दैवत हे संत II योगी वारकरी II
भागवत तारी II सांप्रदाय II
नाव ठेवी ग्रंथा II भावार्थ दीपिका II
रची गीताटीका II ज्ञानेश्वरी II
अध्याय अठरा II अमृत देईल II
जीव सुखावेल II वाचतसे II
भक्तीचे हे तत्व II प्रकर्षाने दिसे II
मांडलेले तसे II अधिष्ठान II
वर्णन करिती II तारे आकाशाचे II
साऱ्या या विश्वाचे II तत्वकाव्य II
