Library
Profile
षष्ठ्यब्दीपूर्ती
षष्ठ्यब्दीपूर्ती
झाली षष्ठ्यब्दीपूर्ती, आज गाठली तुम्ही साठी।
अजून चाळीस आपल्या हाती ;
साहित्य, संगीत , कलागुणांचा विकास करण्यासाठी ॥
साठी नंतरची परिपक्वता हीच ज्येष्ठत्वाची अस्सल खूण ।
पिकलेल्या आंब्यासच लाभतो रसाळतेचा मधुर गुण ॥
पौर्णिमेच्या पूर्ण चंद्रासच मिळतो जगी परिपूर्णतेचा मान ।
अष्टमीच्या अर्ध्या रात्रीला नच लाभे स्वयंभू चंद्राची शान ॥
आयुष्यातील दु:खद क्षणांची करून टाका वजाबाकी।
साठाव्या वाढदिवशी नव्या संकल्पांनी लावा जीवन सार्थकी ॥
हीरकमहोत्सवी वाढदिवस तुमचा करा साजरा थाटाने ।
शतायुषी आयुष्याच्या पाय-या पुढे चढत राहा तुम्ही मानाने ॥
आयुष्याच्या ह्या वळणावर क्षणभर घ्यावी विश्रांती ।
प्रेरणा, उर्जा अन् शक्तीची शिदोरी घेऊन, साधावी पुढे प्रगती॥
गाठायाची आहेत तुम्हाला यशकीर्तीची किती शिखरे ।
शतायुषी जीवन मार्गावर रचत राहा साफल्यसिद्धीचे मनोरे ॥
वाढदिवस करतो आयुष्यातील आनंदाचा गुणाकार ।
जीवन व्हावे सफल,संपूर्ण हीच शुभेच्छा देते वारंवार ॥
