लाइब्रेरी
प्रोफाइल
सृजनाचे वैभव
सृजनाचे वैभव
1 min
221
नवसृजनाचे वैभव तिच्या कुशीत वसते
मातृत्वाचे जगी दैवत ती म्हणजे आई असते
वात्सल्याची मूर्ती ती कृष्णाची माय यशोदा
संभाजी राजांसाठीची तिच धाराई असते
त्याग अन् शौर्याची मूर्ती शक्ती रुपिनी राजमाता
स्वराज्य निर्मात्या शिवबाची तिच जिजाऊ असते
शेण गोळे झेलणारी क्रांतिज्योती सावित्री ती
ज्ञानाचे कवाडे उघडणारी, मुलींची ज्ञानाई असते
रेशमाच्या नाजूक धाग्यांनी नाते घट्ट बांधते
चुकल्यास जवळ घेणारी प्रेमळ अशी ताई असते
संसाराचा गाडा हाकते राबराबते क्षणोक्षणी
संकाटात खंबीर उभी शंकराची गौराई असते
खळखळत्या हास्याचे वैभव घरची लेक सानुली
बोल बोबडे बोलणारी गोड लाडाई असते
आजी, आई, पत्नी, लेक नाते तेच सौख्याचे
मांगल्याची ती सरीता विश्वास जपणारी बाई असते
