संत मीराबाई

काव्यप्रकार अभंग (६/६/६/४)

मोठ्या घरी नांदे / मीरा हरिभक्त

मनी तिच्या फक्त / हरिनाम

हरिमय भक्ती / मुरारीची पूजा

मनी भाव दूजा / कधी नसे

मीरा झाली दंग / हरिभजनात

जहर दूधात / कालवले

प्राशन तयाचे / भाबड्या मीरेने

भक्तीभावनेने / श्रद्धामृत

भोळा भक्तीभाव / दाटे अंतरात

सदा चिंतनात / श्रीकृष्णाच्या

उच्चकोटी भक्ती / कृष्ण अद्वैतात 

पूजन मनात / भक्तिभावे

वेडी हरिभक्ती / कुणाला कळेना

जनसामान्यांना / वेडी मीरा

ईश्वरा कळली / भाबड्या मीरेची

आस दर्शनाची / मनोमनी

दर्शन देऊनी / पावन मीरेला

जन्म सार्थकाला / लावियला