लाइब्रेरी
प्रोफाइल
शिवशाहीचा शिवसूर्य तळपता
शिवशाहीचा शिवसूर्य तळपता
1 min
250
शिवशाहीचा शिवसूर्य तळपता
तलवारीच्या पात्यासम भिडला
जिजामातेच्या गर्भकोंदणात
पराक्रमी हिरा शिवाजी घडला
जरी गनिम होताच महाकाय
केले शौर्याने त्यास नामोहरम
कीर्तीचा त्यांच्या डंका जगभर
मानले जनहित कर्तव्य परम
गातो गुणगान शौर्य पराक्रमाचे
अभिमाने फुगते आमची छाती
शिवरायांच्या पदस्पर्शाने पुनीत
बनली मावळातली काळी माती
मूठभर मावळ्यांच्या सोबतीने
उभारले त्यांनी हिंदवी स्वराज्य
रयतेला देऊनीच सुरक्षित स्थैर्य
बनविले महाराष्ट्राचे हे सुराज्य
