शिशीर

आभाळातून भुरभूर,

शुभ्र हिमकणांचा सडा.. 

शून्याखाली गेला पारा,

पांढऱ्यात हरवे हिरवा..

गोठावणारी थंड थंडी

न दिसें कुठे चिटपाखरू..

सर्वंजण घरात दडले,

निर्मनुष्य वाटा न वाटसरू.. 

पान फुलांची गळती

निसर्गाचा नियम मान्य 

नव्या पल्लवा साठी

झाडें झाली निष्पर्ण..

जाता सृजनशील वर्षा ,

गोठवे पाणी शिशीरा 

ऋतूचे सौंदर्य आगळे 

धरेवर ते वेग वेगळे..

ऋतू मागुनी ते ऋतू

निसर्गचक्र हे निरंतर 

नवंपालवीच्या कौतुका

सदा तत्पर तो वसंत