STORYMIRROR

Manisha Awekar

Abstract

4  

Manisha Awekar

Abstract

शीर्षक झिम्माड श्रावणसरी

शीर्षक झिम्माड श्रावणसरी

1 min
29


आला झिम्माड श्रावण

धारा सोनेरी गं सरी

ऊनपावसाचा खेळ

खुले वसुंधरेवरी    (१)


रश्मी किरणांमधूनी

ऊन हळदुले झरे

अंबरात सप्तरंगी

इंद्रधनू गोफ सजे    (२)


रिमझिम सरी येती

क्षणभरे थबकती

अभ्रांतूनी रविराज

हळूहळू डोकावती    (३)


सरी पावसाच्या देती

मोद प्रेमिक जनांना

ऊन पावसात हर्ष

बिलगूनी भिजताना    (४)


ऊन पावसाचा खेळ 

वसुंधरा सुखावली

मुख लाजरे बावरे

स्वागतास सज्ज झाली  (५)


Rate this content
Log in

Similar marathi poem from Abstract