शब्द

शब्द आहे मी खरंच नशीबवान

जे अंकित करतात ते भाग्यवान

शब्दांमधे अभिव्यक्ती सामर्थ्य 

शब्दांमधे दडलेला महान अर्थ

 शब्द व्यक्त करतात माया माणुसकी 

नकळत बरसतात प्रेम आपुलकी

सुखदुःखाच्या वेळी शब्द निःशब्द होतात

चक्षुधारातून झरझर अव्याहत वाहतात

नवकवी झगडतात मला जुळवण्यात

चपखल बसतो मी साहित्यिकांच्या कोषात

कधी मी प्रहार करतो तर कधी सावरतो

कधी मी जोडतो तर कधी मी तोडतो

परदेशवासियांचा मी भला मोठा पूल असतो

कानातील एक एक शब्द अंतरीचे आत्मे जोडतो

प्रेमात कळते शब्दावाचून सारे

पहिल्या रात्री व्यक्ततेचे झरे

शब्द नसते तर दुनिया झाली असती अबोल

परमेश्वराने लावला असता मनाला किती घोर