लाइब्रेरी
प्रोफाइल
सांगता सांगता सारं
सांगता सांगता सारं
1 min
235
सांगता सांगता सारं
खूप काही वगळावं लागतं
फुलांना सुद्धा फुलतांना
काट्याचं दुःख लपवावं लागतं
मनाला वेदना झाल्या तरी
हास्य ओठी फुलवाव लागतं
काळजातल्या खोलवर जखमांना
अज्ञातच ठेवावं लागतं
सद्गुण शोधताना अवगुणांना
बाजूस सारावं लागतं
चंद्राची स्तुती करताना सुद्धा
डागास काळ्या विसरावं लागतं
भविष्याच्या उज्वल वाटेसाठी
वर्तमानात जळावं लागतं
अश्रूत भिजलेल्या शब्दांना
सुरांनी सजवावं लागतं
या जीवनाचं मोल देतांना
खूप काही सोसावं लागतं
हळूवार कोमल भावनांना
स्वतःचं कठोर बनवावं लागतं
